Minjagripur frá Edinborg - A Walk in the Gardens

Við höfum að undanförnu verið að líta í kringum okkar eftir minjagrip eftir dvöl okkar í Edinborg.  Eigum reglulega leið fram hjá galleríi á leiðinni heim úr miðbænum og þar greip augu okkar málverk sem höfðaði sérstaklega til okkar.  Eftir að hafa gengið fram hjá henni líklega 10 sinnum með glampa í augunum fórum við inn og gengum að lokum heim með gripinn. 

Málverkið er af borgarmyndinni í Edinborg sem er einstök og á heimsminjaskrá UNESCO.  Horft er frá Princes Street í áttina að Edinborgarkastala og Royal Mile yfir Princes Gardens.  Við höfum í vetur eitt ófáum gönguferðunum á þessu svæði og myndin er lífleg og falleg.  Við erum mjög ánægð með minjagripinn okkar.

Við keyptum hana óinnrammaða enda fer hún betur þannig á því flakki sem við verðum næstu mánuði og ár.  Ætli hún endi ekki inni í geymslu á Miklubrautinni eða með brúðkaupsgöfunum á háaloftinu í Ásabyggðinni.  Þar bíða allar gersemarnar þess að við flytjum aftur á Frónið og eigum þar fastan viðverustað aftur.

Gripinn má skoða hér á heimasíðu gallerísins þar sem við keyptum hana.  Hægt er að smella á hana til að skoða stærri mynd.

Athugasemdir

[Ingveldur (IP-tala skráð) 24.2.2009 kl. 08:37]

Virkilega flott mynd og sterkir og fínir litir í henni. Skil vel að þið hafið freistast til að kaupa hana =)

[Rósa Rut (IP-tala skráð) 24.2.2009 kl. 11:06]

Sammála Ingveldi og er viss um að þið hefðuð séð eftir því ef þið hefðuð ekki keypt hana. Hlakka til að sjá hana í ramma einn góðann veðurdaginn á varanlegum vegg :)